Ж.Дашдондог:          Үхэр цувна

Алаг цэцэгт талын дундуур

Адуун сүрэг тачигнан айсуй

Өмнүүр нь зурайсан ганцхан замаар

Үхэр сүрэг цувран айсуй

-Хамт зэрэгцээд явахаа мэддэггүй

Хачин тэнэг амьтад юм даа гэж

Эрих шиг цуварсан үхрийг адуу

Элэглэн шоолон хэлэв гэнэ

-Газраа хайрладаг болохоороо л

Ганцхан замаар цувдаг юм даа гэж

Алаг цэцэгс тахалсан адуунд

Ар араасаа цуварсан үхэр хэлжээ

Ч.Арьяасүрэн:       Тоншуул

Алаг эрээн биетэй

Ажилч дархан цолтой

Алжааж ядрахаа мэддэггүй

Авхаалжтай амьтан бол тоншуул

Өвгөн модны цуурхайгаас

Өт авч идэхээр

Хумсаа...

Г.Сэсмээ:         Ээжээ ээжээ

Торгон шар нөмрөгтэй

Торомгор хөөрхөн ботго минь

Гангийн наранд  цангаж байна уу?

Гадсаа тойрон буйлж байна уу?

Бор ингэ буйлан буйлсаар

Ботгоо санаад ирдэг юм уу?

Үнэн, хүү минь тэгдэг юм

Үрээ амьтан хайрладаг юм.

Т.Жамьяансүрэн:      Мойл

Туул голын шугуйд

Монос мод найгана

Туяхан нарийхан ишинд нь

Мойл жимс бөнжийж

Үрлэн хүрэн жимсийг нь

Атгаад авах гэхлээр

Үй түймэн өргөс нь

Хатгаад болдоггүй хяслантай

Жимс өргөс хоёр нь

Зэрэгцэн ургах л юм даа.

Монгол дээлийн ерөөл

Урд хормой дээр чинь

Унага даага гишгэл

Хойд хормой дээр чинь

Хонь ...

Ч.Лхамсүрэн:      Сүү

Өргөн талыг бүрхсэн

Өлзийт сүрэг минь өсөж байна

Өнгөт идээний дээж

Өтгөн сүү минь дэлгэрч байна

Түлсэн улаан гал минь

Дүрэлзээд сайхан асаж байна

Түүхий цагаан сүү минь

Дөвийн хөөрсөөр оргилж байна

Ариун сүүний чинь дээгүүр

Аятайхан хөөс татаж байна

Арвин хөөсний дороос

Амтат өрөм загсаж байна

.

         Ш.Галсанбаатар:  Шагайн наадгай

Атга дүүрэн шагайгаа

Ахрын эсгий дээр цацлаа

Дүүгийн хаясан шагай

Дэвжээ бүрхэн уналаа

Хонь, ямаа, тэмээ, морь

Ховор тохиох онх хүртэл буулаа

Ижил ижлээр нь хөндөж харвадаг

Эртний ёсыг дүү зөрчлөө

Хонь, ямаа хоё...

                 Амьддаа бие биеэ хайрла

Амьддаа бие биеэ хайрла хүмүүсээ

Алив сайхнаа бусдаас битгий харамла

Хэрэггүй үгийн зэвээр зүрхийг минь битгий шархлуул

Хэн нэгнийгээ харанхуй нүх рүү бүү түлх

Архинд орсон нэгнийгээ шоолж бүү инээ

Аяа чиний аав чинь ч байж мэднэ шүү

Амжиж чи өөрөө алдрын зэрэгт хүрсэн бол

Аз жаргалын хаалгйг бусдадаа нээж өг

Ачийг чинь  тэд бас бүү мартаг

Ганц сайхан үгээр дутаж яваа хүнд

Гарцаагүй түүнийг нь олж хэл

Гадаа нартай ч гэрт хүйтэн өдөр

Газар дээр нэг бус удаа тохиолдоно.

Чамд дурласан сайхан хөвгүүнийг

Чанга хатуу үгээр битгий гомдоо бүсгүй...