Ертөнцийн гурвыг цээжлээрэй.

Ертөнцийн гурван ногоон

Тагт ургасан хагд нэг ногоон

Тайгад ургасан арц нэг ногоон

Талд ургасан зээргэнэ нэг ногоон

Ертөнцийн гурван улаан

Жаргалтай хатны хацар нэг улаан

Жалганд ургасан сухай нэг улаан

Жавартай тэнгэрийн хаяа нэг улаан

Ертөнцийн гурван цэвэрхэн

Үсээ самнасан эхнэр нэг цэвэрхэн

Үүлээ хөөсөн тэнгэр нэг цэвэрхэн

Үнсийг нь цэвэрлэсэн тулга нэг цэвэрхэн

Ертөнцийн гурван гүн

Их далайн ёроол нэг гүн

Эрдэмтэй хүний санаа нэг гүн

Энх төрийн бодлого нэг гүн

Ертөнцийн гурван баян

Тэнгэр одоор баян

Газар үндсээр баян

Далай усаар баян

Ертөнци...

Дараах эхийг уншаад ялгах эгшигтэй үгийг ялган бичээрэй.

Дуу үүссэн домог

Эрт цагт ядуу охин аргал түүж явав. Гэнэт нэгэн шувуу сандран нисэж ирээд,охины хормой доор нуугдахыг гуйжээ.Энэхэн мөчид догшин харцага шумбан ирж, охины эргэн тойрноор нисэж шувууг хайгаад ололгүй буцав. Гэтэл нэгэн эмгэн ирж, “Охины минь амийг аварсан танд их баярлалаа. Юу дуртайгаа надаас хүс” гэв. Охин айж сандраад юу ч хэлж чадсангүй. Гэтэл эмгэн “За би чамд охиныхоо дуу хоолойг бэлэглэе” гэж хэлчхээд гэнэт алга болжээ. Энэ үеэс охин гайхамшигтай сайхан хоолойтой болж түмэн олонд хүндлэгджээ.